Dharmadarshan – Kamal Rijal

Description

धर्मदर्शन– कमल रिजाल

साविक गुम्दी गाविस वडा नं- ७ हाल गङ्गाजमुना गाउँपालिका- ४, सालदुम (साल्मेटार) मा २०१५ भदौ ५ गते जन्मेका रिजाल पिता होमनाथ तथा माता जीवमाया रिजालका तृतीय पुत्र हुन् । संस्कृत साहित्यमा स्नातकोत्तर गरेका रिजाल अध्यात्मदर्शनलाई पैतृक धरोहर मान्छन् । सोह्र वर्षको उमेरमा पढ्नका लागि वनारसतिर लागेका रिजाल हाल टोखा नगरपालिका वडा नं- ६ धापासीमा बसोबास गर्छन् ।
लामो समयदेखि अध्यात्मदर्शनको क्षेत्रमा कलम चलाउँदै आएका कमल रिजाल यस क्षेत्रका सिद्धहस्त लेखक मानिन्छन् । आख्यान र गैरआख्यान गरी तेह्रओटा पुस्तक प्रकाशित गरिसकेका रिजालको ‘दर्शनभित्रको दर्शन’ नामक पुस्तक सुदूरपश्चिम विश्वविद्यालयको दर्शनविषयक विद्यावारिधिको पाठ्यक्रममा समावेश छ । ‘गोरखापत्र’ दैनिक र ‘मधुपर्क’ मासिकको प्रधान सम्पादक रहिसकेका रिजाल हाल स्वतन्त्र पत्रकारको हैसियतले विभिन्न पत्रपत्रिका तथा अनलाइनहरूमा कलम चलाउने गर्छन् ।

Dharmadarshan – Kamal Rijal
Weight: 0.1 kg
Authors: Kamal Rijal
Language: Nepali
Publisher: Sajha Prakashan